تكفين يمـه لا تطيحيـن قومـي
قومي عشان الليل يلبـس وقـارة
تكفين قومي .. لا تزيدي همومي
اللي كوت قلبي بضيمـك ونـاره
يافرحة سنيني . وصبحي ويومـي
يامن حنينك .. ما يقـاوم شعـاره
طحتي وطاحت من مطيحك عزومي
والصدر طيح عن ضلوعي جداره
من كربتك ضاقت علـي هدومـي
والدمع حاصرني وشـدد حصـاره
لا الزاد طايب لي ولا لـذ نومـي
لين السهر خلف فوجهـي امـارة
ويالله ياللي لك صلاتي وصومـي
ياخالق الانسـان باحلـى مهـارة
تشفي التي عاشت مرار السمومي
وذاقت من الآلآم تاره .. وتـاره
وانت الذي وحدك حنون ورحومي
ومن يرتجي غيرك يذوق الخسارة
وتكفين يمـه لاتطيحيـن قومـي
قومي عشان الكون يلبس وقـاره
يافرحة سنيني وصبحـي ويومـي
ويالولوة تذكار .. وياقلب سـاره
الشاعره تذكار الخثلان
م ن ق و ل
